Ја нарекоа „првата дама од пеколот“, мајката и сестрата на Башар не ја поднесуваа

До неодамна првата дама на Сирија, Асма ал Асад, родена како Асма Фаваз Акрас, е позната и како Пустинската роза. Во земјата во која е родена, Велика Британија во 1975 година, ја викаат Ема.

Асма, која е ќерка на кардиолог, дипломирала компјутерски науки на Кралскиот колеџ во Лондон, и веднаш се вработила како инвестициски банкар.

Својот сопруг Башир ал Асад, очен хирург и син на сирискиот претседател Хафез ал Асад, го запознава за време на неговите студии во Лондон. Асма и Башар се венчале во 2000 година, а потоа се преселиле во Сирија. Истата година Башар станал претседател на Сирија.

Многу години наназад постоела перцепција дека западното воспитување на Асма ал Асад може да иницира реформи во Сирија. Британската фирма за односи со јавноста Бел Потингер дури беше со задача да ја прослави Асма како ново лице на Сирија.

По венчавката, Асма почнала да патува низ Сирија, при што посетила 100 села во 13 сириски провинции. На средбите таа разговарала со Сиријците од 3 сириски провинции за со цел да препознае каде треба да ја насочи својата идна политика. Таа создала група организации кои работеле под добротворниот сектор на владата, познат како „Сирија труст за развој“. Обединетите нации во овој сектор инвестирале 18 милиони американски долари со цел да им се помогне на овие организации со сложена серија реформски иницијативи кои требаше да создадат модерна и прогресивна држава. На овој начин Башар планирал околу себе да создаде „аура на реформатори“.

Покрај тоа што стана глобален амбасадор на режимот на Ал Асад, Асма, како сунитска муслиманка, требало да го искористи своето влијание за да го намали јазот меѓу сунитското мнозинство во Сирија и владејачката алавитска влада, на која и припаѓа семејството Ал Асад.

Но, нејзиното доаѓање предизвикало големи тензии во семејството Асад. Сестрата на Башар, Бушром, и мајката Анисех, се двете жени на кои никогаш не им било важно што мисли јавноста за семејството. Од самиот почеток големата слава на Асма им пречела.

„Во почетокот не ја третираа како дел од семејството. Затоа што била странец – сунит. Нејзиниот арапски не бил добар, па не смеела да зборува со медиумите. Не и ја  дозволувале ниту титулата прва дама. Но, по 2013 година таа целосно ја добива поддршката од семејството Ал Асад“. Ова за британските медиуми го открива Ајман Абделнур, инсајдер од поранешниот режим и претседател на сириската организација Христијани за мир. 

Пустинска роза

Врвот на нејзината популарност се случил во февруари 2011 година, кога модниот магазин „Вог“ објави напис за првата дама на Сирија со наслов „Пустинска роза“. Еден месец по објавувањето на статијата, во Сирија изби брутална граѓанска војна.

„Асма ал Асад е гламурозна, млада и многу шик, најсвежата и најмагнетната прва дама на светот. Таа е ретка комбинација: слаба, долготрајна убавица со обучен аналитички ум, која се облекува скромно и достоинствено… Таа е забавна, а има нешто конспиративно во неа“, пишува во написот на Vogue, но кој исчезна од Интернет набргу по започнувањето на војната.

Западот повеќе не можел да остане глув на гласините за кршење на човековите права и воени злосторства, па западните сојузници и пријатели и свртеле грб. Во март 2012 година, една година по снимањето на „Вог“, ЕУ на Асма и го замрзнува имотот и и забранува патување. Иако во Обединетото кралство се барало да и се одземе британското државјанство, тоа не се случило, ѝ во секое време и бил дозволен легален влез во земјата.

„Ми беше понудена можност да ја напуштам Сирија, поточно да избегам од Сирија. Овие понуди вклучуваа гаранции за безбедност и заштита на моите деца, па дури и финансиска сигурност. Не е потребен генијалец за да се знае што навистина бараа овие луѓе. Тоа беше намерен обид да се уништи довербата на луѓето во нивниот претседател“, изјави Асма за медиумите.

Пораки кои ја разоткрија нејзината природа

Другата страна на првата дама почна да излегува на виделина кога британски „Гардијан“ во 2015 година, објави мејлови од кои се гледа дека Башар и Асма, во време кога во Сирија се водело најкрвава војна, трошеле многу државни пари на скап накит и раскошен начин на живот. Имејловите ја откриле и нејзината целосна лојалност кон сириската влада. Кратко време потоа медиумите ја нарекоа „првата дама од пеколот“.

Институтот за Блискиот Исток пишува дека во 2020 година, аналитичарите забележале дека Асма почнала да го шири своето влијание во сириската влада. Нејзината добротворна организација, „Сирија труст за развој“, повторно станала активна и почнала да ги преместува членовите на споменатото тело на повлијателни позиции. Девет активисти последователно освоиле места во сирискиот парламент, сите поврзани со добротворната организација „Сириска доверба и развој“. Како резултат на тоа, Асма добива политичка основа во парламентот.

Во март 2021 година, Единицата за воени злосторства на лондонската полиција отвори истрага за тоа дали Башар поттикнувал и терористички акти за време на војната. Скај објави дека Асма потоа одржала состаноци со моќни алавити за да се претстави како поприфатлива алтернатива во случај на оставка на нејзината сопруг. Ова бил планот со кој требало власта да остане во рацете на семејството Ал Асад.

На 48-годишната Асма ал Асад, во мај годинава, и беше дијагностицирана акутна миелоидна леукемија, агресивен рак на коскената срцевина и крвта.