Skip to content
Уставниот судија Осман Кадриу во интервјуто за Алсат во декември изјави дека не е точно дека пред Уставниот суд се оспоруваат само 2-3 члена од Законот за употреба на јазиците, туку 18 члена кои се поднесени преку 13 иницијативи од 46 субјекти, вклучувајќи академици, професори и политичка партија. Како што вели Кадриу, еден од неспомнатите спорови во Законот за употреба на јазиците е тој за исчезнување на терминот напишан во заграда (албански јазик), додека доколку се прифатат сите спорови, самото постоење на законот како целина се доведува во прашање.
„Во досегашното мислење беше кажано дека се оспорени 2-3 одредби. Не! Оспорени се 18 одредби. Доколку се оспорат 18 одредби од Законот за јазици, тоа значи оспорување на половина од законот. Ако сите оспорени 18 и ако судот со мнозинство гласови го прифати нивниот спор и го укине, тогаш немаме закон. Значи ако се прифатат овие… Тогаш немаме закон. Инаку, за ваша информација, еден од споровите е спорот за употребата на терминот албански јазик, тој се користи во две одредби“, изјави Осман Кадриу, уставен судија.
Според судијата Кадриу, доколку се одобри оспорувањето на овие членови, тогаш остатокот од законот автоматски ќе биде укинат бидејќи нема да може да се спроведуваат.
Кадриу, рече дека заедно со неговиот албански колега, Насер Ајдари, и понатаму остануваат на ставот дека нема да учествуваат на седницата на 11 декември кога се очекува да се одлучи за отворање на постапката за оцена на уставноста на овој закон. Причината е надгласувањето.
Согласно двата заклучока кои Судот ги донесе минатата година и оваа година, предметот во кој е оспорен Законот за употреба на јазиците ќе биде ставен на седница на која ќе присуствуваат сите девет судии, со оглед на значењето и интересот во јавноста.
Инаку коалицијата Вреди во август годинава беше на став дека Иницијативата во Уставниот суд околу Законот за јазици е обид за државен удар! – Очекуваме да се отфрли!
„Координативното тело на Вреди, без намера да се меша во работата на Уставниот суд, ја оценува како опасна и неприфатлива нивната иницијатива за оценување на уставноста на Законот за употреба на јазиците. Сметаме дека оваа иницијатива, која доаѓа од сили познати по своите анти-НАТО ставови, не е ништо повеќе од обид за државен удар со правни експерименти. Доколку ваква иницијатива биде прифатена, ќе се отвори Пандорината кутија за сите клучни достигнувања на државата, вклучително и промената на уставното име, која исто така беше реализирана без потписот на тогашниот претседател Ѓорге Иванов, што овозможи членство во НАТО.
Без разлика на меѓусебните препирки околу овој закон за јазиците меѓу Вреди ДУИ ставовите им се слични.
За ДУИ секој обид за укинување на било која одредба од овој закон не е само правен чин, туку претставува директен удар врз стабилноста и мирот кои оваа земја ги изгради со многу жртви“, велат од ДУИ.
