Како Грците го објаснуваат поскапувањето, една ќе ве насмее

Одморот во Грција со години се смета за едно од најприфатливите решенија за семејствата од Македонија кои сакаат море, сонце и добра услуга по поволни цени.

Сепак, на социјалните мрежи сè уште можете да најдете коментари дека цените на становите се превисоки. Еден сопственик на стан во Грција решил да им застане на патот на тие приговори и детално да објасни што е вклучено во цената на ноќевање.

Неговата порака набрзо предизвика лавина реакции во групите на Фејсбук посветени на летувањето во Грција. Еве што имал да каже сопственикот на станот:

Клима, а цената на струјата во Грција е меѓу највисоките во Европската унија.
-Чистење пред и по вашето пристигнување со вклучена постелнина (чини од 30 до 40 евра).

Туширање и користење вода – затоа што водата во Грција не е бесплатна.
-Интернет и ТВ, кои сопствениците ги плаќаат посебно, како и сите други.
-Лифт, струја во ходниците, одржување на зградата – ни тоа не е бесплатно.

Данок за престој – годинава е 8 евра од ноќ.
-Пријавување престој кај сметководител – дополнителни 10 евра по смена.
-Данок на имот кој се плаќа годишно.
-Данок на приходи од издавање станови.
-Сметководствени услуги за даночни пријави – уште 50 евра.
-Поправки и бојадисување кои се неизбежни на крајот од секоја сезона.

Сопственикот додава дека цената за ноќевање не е по лице, туку по стан – што значи дека четиричлено семејство, во шпицот на сезоната, всушност плаќа околу 25 евра по лице. А ако одморите во мај, можете да најдете стан од 15 до 20 евра од ноќевање, што, како што вели, практично е бесплатно.

-Обидете се да се одморите некаде на Балканот, за ноќевање под 100 евра, па кажете ни што ќе најдете – рекол сопственикот, алудирајќи на се повисоките цени на домашните дестинации.

Во коментарите под објавата се разви жива дискусија – додека некои веруваат дека цените се оправдани и реални, други сепак сметаат дека одморите станале луксуз.