Концерт за деца  „Песна за жирафата“ на „Скопско лето“

Во рамки на 46. фестивал „Скопско лето“, вечер од 20 часот во Сули ан ансамблот „Консонанс“ ќе изведе концерт за деца  „Песна за жирафата“ – забавна и едукативна приказна на музика на Франц Јозеф Хајдн.

Како што соопштија од „Скопско лето“, приказната на интересен и креативен начин ги претставува и доловува специфичностите на секој од инструментите. Децата низ интеракција ќе се заапознаат со музиката од периодот на класицизмот и ќе имаат можност да ги слушнат аранжманите напишани специјално за овој концерт, „кои нè едуцираат за познатата музика на Хајдн изведена од квинтет сочинет од виолина, флејта, англиски рог, кларинет и бас кларинет“.