Skip to content
Специјалното обвинителство на Косово соопшти дека ја продолжува истрагата за собирање на докази за нападот од 29 ноември врз каналот Ибар-Лепенец во Зубин Поток.
Шефицата на Одделението за јавна комуникација на Канцеларијата на главниот обвинител, Лиридона Козмаќи изјави дека двајца осомничени се во притвор поради вмешаност во нападот.
Обвинетите се сомничат за кривични дела – загрозување на уставниот поредок со уништување или оштетување јавни инсталации и уреди, извршување терористички акт и недозволено поседување оружје.
Портпаролот на косовската Влада, Перпарим Криезиу изјави дека во истрагата за нападот во Зубин Поток се одржува комуникација и со меѓународните партнери.
Ние сме во постојана комуникација со нашите меѓународни партнери. Ја поздравуваме нивната поддршка за целосна истрага за нападот на 29 ноември, посочи рече Криесиу.
