Skip to content
Тој прецизираше дека Европската комисија ќе го презентира првиот нацрт на следниот повеќегодишен буџет во наредните денови.
Кубилиус истакна дека додека новиот буџет не стапи во сила, земјите од ЕУ ќе имаат дополнителни 800 милијарди евра во следните четири години за трошоци за одбрана. Еврокомесарот истакна дека денес војната во Украина покажува какви ќе бидат битките на иднината и коментираше дека досега европските земји не научиле доволно лекции од промените на бојното поле.
НАТО и ЕУ се деца на Студената војна со задача да го зачуваат мирот, рече Кубилиус. Според него, двете организации работат заедно на дефинирање на нови одбранбени цели, дискутирани на самитот на НАТО во Хаг во јуни. Тој истакна дека повеќето европски земји се дел од алијансата.
Според европскиот комесар, рускиот претседател Владимир Путин најмногу се плаши од успехот на Украина. Русите може да прашаат зошто Украинците се поуспешни, а тоа е закана за рускиот режим, сумираше Кубилиус.
