Skip to content
Партијата Левица отвора нов скандат и афера тврдејќи дека и таткото на актуелниот министер за внатрешни Панче Тошкоски бил дел од корумпираниот систем на земање мито. Имено тој во 2013 година бил осуден за, како што велат од партијата, измама на 8 лица заради примање мито при посредување за инвалидски пензии. Во партиското соопштение стои дека таткото на министерот „бил осуден на две години условна казна, затоа што од оштетените лица противправно наплатил речиси 25.000 евра, ветувајќи им дека ќе стекнат право на инвалидска пензија“.
-Односно, таткото на Тошковски безобзирно манипулирал со поединци кои очигледно во незавидна положба, биле принудени да плаќаат огромни суми за да се изборат против аномалиите на системот. Бидејќи министерот Тошковски и за време на претходната влада на Груевски бил дел од институциите на системот (преку министерството на Миле Јанакиевски), очигледно тоа што бил дел од власта било доволно за неговиот татко да прави матни зделки со инвалидските пензии, велат од Левица
Повторно се потврдува тезата дека и актуелната власт на ДПМНЕ, како сите претходни влади, го креирале корумпираниот систем кој ја опустоши Македонија. Во континуитет министерот и адвокат на урбанистичката мафија, Панче Тошковски се обидува со спинови, манипулации и закани да ја замолчи секоја критика против неговата селективна истрага за Кочани, тврдат од Левица.
Дополнително, потсетуваме дека Тошковски уште нема одговор за скандалот со апсењето на обезбедувањето на премиерот Мицкоски, односно нема никаква информација во јавноста кое е второто лице кое е уапсено. Ако се има во предвид дека лицето кое го обезбедувало Мицкоски било дел од Шестата управа, истото не можело да располага информации за криминални истраги. Тошковски упорно одбива да даде одговор од каде обезбедувањето на Мицкоски имало информации за криминални истраги и од кој ги добил тие информации?!, стои меѓу другото во соопштението на партијата на Димитар Апасиев. Оттаму ја споделија и пресудата од Основниот суд во Велес.
