Македонија и ЕУ потпишаа Договор за безбедносно и одбранбено партнерство

Денеска во Брисел Македонија и Европската унија потпиша Договор за безбедносно и одбранбено партнерство. Се очекува овој Договор да ја зајакне отпорноста на земјите и да овозможи заедничко управување со безбедносните предизвици и поефикасна соработка во областа на безбедноста и одбраната. Идејата е преку ова партнерство да се овозможи заедничко справување со хибридните закани, унапредување на сајбер безбедноста, борба против тероризмот, спроведување на мисии и операци.

„Ова е уште едно безбедносно партнерство кое го потпишуваме. Се договоривме такво партнерство да потпишеме и со Албанија. Овој тип на партнерство покажува дека ЕУ е повеќе од екомска унија, туку е и политичка унија со одговорности и во делот на безбедноста и одбраната.“, изјави Жозеп Борел, виш преттставник на ЕУ за надворешна и безбедосна политика.

Церемонијата на потпишување на Договорот се одржа на маргините на состанокот на Советот за надворешни работи на ЕУ на ниво на министри за одбрана, каде се разговараше за поддршката на Унијата за Украина и подготвеноста на одбраната за блокадата. 

Како дел од остварената соработка, ЕУ во рамките на Европскиот фонд за мир во септември одобри 13 милиони евра помош за зајакнување на капацитетите и способностите на Армијата на Република Северна Македонија. Доделените средства ќе бидат искористени за набавка на разузнавачки информации, надзор, извидување, електронско војување и сигнално разузнавачки технологии, логистичка и инженерска опрема, како и комуникациски и информациски системи и обезбедување техничка обука за користење на опремата со нив. 

Овие средства ќе го зајакнат капацитетот на Македонија за нејзино учество во операции и мисии во рамките на заедничката безбедносна и одбранбена политика на Унијата, како и во други меѓународни мисии, а оваа помош дополнително го илустрира зголемениот ангажман на блокот со земјите во областа на безбедноста и одбраната. Преку Европскиот мировен фонд, ЕУ финансира активности насочени кон зајакнување на капацитетите на трети земји и регионални и меѓународни организации поврзани со воени и одбранбени прашања. Фондот е основан во март 2021 година. со цел да се овозможи финансирање на активности во рамките на заедничката надворешна и безбедносна политика на ЕУ насочени кон спречување конфликти, зачувување на мирот и зајакнување на меѓународната безбедност и стабилност.