Јаковлева, не ги есапи институциите до кои треба да доставува извештаи, ДКСК и препушти на Сиљановска Давкова да прави проценки

Новата директорка на Агенцијата за разузнавање, поставена од претседателката Гордана Сиљановска Давкова, Габриела Јаковлева, не доставува извештаи за работата на Агеницијата до Собранието, Владата, Советот за координација на безбедно разузнавачка заедница, но и до други органи во државна управа зависно од предметот на работење.

Ваката информација, Државната комисија за спречување на корупција ја соопшти откако била примена претставка против актуелната директорка Јаковлева. На денешната седница од ДКСК информираа дека директорката не доставувала извештаи за работата на Агенцијата до повеќе тела во државата.

Членот на ДКСК, Цвета Ристовска, денеска и соопшти на јавноста дека согласно Законот за Агенцијата за разузнавање во член 3 став 2 е уредено дека Агенција за работите од нејзина надлежност ги известува органите во државата – претседателот на Собранието, до Владата, до претседателот на Владата, како и до Советот за координација на безбедно разузнавачка заедница и други органи во државна управа зависно од предметот на работење.

„Претставката се однесува во насока дека директорот на Агенцијата досега нема доставено информации за своето работење до Собранието, која размена на податоци согласно законот е зависно од предметот на интерес на самото работење. ДКСК не може да навлезе во надлежноста дали комуникацијата и размената на податоците помеѓу наведената Агенција и другите органи тече согласно потребите од причина што надлежен орган за законско постапување на законот за Агенција на разузнавање е претседателот на државата. ДКСК нема надлежност да навлегува дали комуникацијата согласно закон помеѓу наведените институции тече согласно потребите и динамиката која ја определува самата Агенција. За размена на нивните информации дали се во време и на место согласно закон, проценува претседателот на државата“, рече членот на ДКСК, Цвета Ристовска.

Според ДКСК, наводите треба да ги потврди претседателката на државата, Сиљановска Давкова, која пред пет месеци ја постави, Јаковлева на оваа функција.

Претседателката Гордана Сиљановска-Давкова пред пет месеци ја постави Јаковлева за директорка на АР, откако го разреши Еролд Муслиу. Од претседателскиот кабинет, тогаш соопштија дека Јаковлева била долгогодишен професионалец во Агенцијата за разузнавање. За нејзина заменичка, претседателката ја именуваше Ивана Стојановска, откако ја разреши, Александра Бакреска-Додовска.

На денешната седница на ДКСК, беше презентирана уште една претставка за вработен во Агенцијата за разузнавање, кој наводно на Фејсбук имал фотографии од партиски штаб во времето на парламентарните избори. И за него, како што беше потенцирано на седницата, антикорупционерите нема да постапуваат, туку предметот е алоциран во внатрешната контрола на АР за да се види дали наводите се точни или не. 

Сиљановска-Давкова ја именуваше Ивана Стојановска за заменичка-директорка во Агенцијата за разузнавање, а од ова место ја разреши Александра Бакреска-Додовска.

Од кабинетот соопштија дека Габриела Јаковлева и Ивана Стојановска се долгогодишни професионалци во Агенцијата за разузнавање.

Државната комисија за спречување на корупција на денешната седница информира дека примила претставка против актуелната директорка на Агенцијата за разузнавање, Габриела Јаковлева во која е наведено оти не доставувала извештаи за работата на Агенцијата до повеќе тела во државата. Дали наводите на претставката се точни или неточни, ќе треба да пресече претседателката на државата.