Мицкоски: ДУИ ја знаат процедурата на одлуките на Уставниотт суд, таа може да трае и со години

На конечната одлука во Уставниот суд ќе ѝ претходи процедура која може да трае со месеци и со години, рече денеска премиерот Христијан Мицкоски, запрашан за актуелните состојби во врска со оспорените членови од Законот за употреба на јазиците. Мицкоски додаде дека ДУИ, во чиј мандат се изгласани уставните судии, сакаат да креираат впечаток во јавноста дека одлуката на седницата закажана за утре, не е донесена благодарение на нивниот политички притисок.

„Тие точно знаат дека, за да дојдеме до конечно решение, какво и да е, најпрвин тој судија што е надлежен треба да им го објасни случајот на своите колеги, па има јавна дискусија, па подготвителна седница, тоа е процес којшто ќе трае со месеци, можеби и со години. Нивната цел, како политички глодари, беше – еве, ние ќе правиме политички притисок и кога утре нема ништо да се случи, да излезат во јавноста…, тоа може да го прават само политички глодари и да речат – еве поради тоа што ние правевме притисок се одложи сето ова“, рече Мицкоски.

На новинарско прашање дали ВМРО ДПМНЕ стои на ставот на Игор Јнушев како еден од иницијаторите за оспорување на одредбите од Законот за јазиците, Мицкоски не одговори конкретно.

„Мојот став е познат“!