Мицкоски најавува инвестиции но, премолчува кога „фрла лопата“ на оние веќе договорени од претходната влада

Додека претседателот на Владата Христијан Мицкоски, вели дека до крајот на годината очекува странски директни инвестиции во вредност од повеќе од една милјарда евра, од друга стана премолчува дека вчера “фрли лопата“ за официјалниот почеток на инвестицијата „Авеста Батерис енд Инжинеринг”, договорена од претходната Влада, предводена од СДСМ.

„Очекувам директните странски инвестиции на крајот на оваа година да бидат повеќе од 1 милијарда евра. Особено овој процес се задвижи во трет и четврт квартал и очекувам да бидеме водечки по глава на жител во регионот односно да се вратиме онаму каде бевме пред 7 – 8 години и да продолжиме пожестоко и помотивирано да работиме“, рече Мицкоски во одговор на новинарско прашање на поставување на камен-темелник на доградба на детска градинка „Кокичиња“ во село Таринци во Општина Карбинци.

Мицкоски вели дека додека е на власт во изминатите шест месеци, ставен е камен темелник, додека пак, привршил или, пак, завршил преговори со странски инвеститори за инввестиции во вредност поголема од 700 милини евра кои ќе обезбедат отприлика нови 2800 работни места.

Премиерот Мицкоски вчера, во изјавата за новинарите не спомена дека става камен темелник за официјалниот почеток на градежните работи во ТИРЗ Кичево, на инвестицијата Авеста Батерис енд Инжинеринг”, договорена од владата на СДСМ.

Поранешниот директор на Дирекцијата за Трговско-индустриски, Јован Деспотовски, упатувајќи честитки до Авеста, рече дека се радува што реализацијата на апроектот се одвива според договорените рокови од Договорот за инвестција која е потпишана од претходната влада, во мај 2023 година.

„Оваа инвестиција, со вкупна вредност од 40 милиони евра, претставува важен чекор за развој на регионот, носејќи над 600 нови работни места за нашите сограѓани. Ваквите проекти имаат директно влијание врз подобрување на животниот стандард на населението и отвораат нови перспективи за локалната економија. Она што е особено позитивно е дека новата Влада го продолжува тоа што го започнавме. Континуитетот во реализацијата на вакви стратешки инвестиции е клучен за просперитетот на нашата земја. Ова покажува дека кога во работата ја ставате Македонија на прво место, придобивките се за сите граѓани“, посочува поранешниот директор на Дирекцијата за ТИРЗ.

Мицкоски

Најави дека тука на тромеѓето меѓу Штип, Карбинци и Радовиш се очекува кон крај на јуни, почеток на јули да почне и изградба на ветерниот парк кој ќе произведува електрична енергија која што е „со капацитет од 20 проценти од вкупниот конзум на државата“.

Тој потсети дека вчера во Кичево била најавена нова инвестиција која во одреден момент, кога ќе го достигне својот максимум, кој според извршниот директор се очекува да се случи за шест – седум години, ќе остварува извоз од околу половина милијарда евра.

-Но, тоа што е исто така важно, тие рзгледуваат можност да ја прошират инвестицијата со уште една дополнителна. Како можни локации се споменуваат постојната во Кичево, но и оваа во Штип, рече Мицкоски.

Максималниот број вработени се очекува да биде повеќе од 600 во период кога инвестицијата ќе го достигне својот максимум.

Сето ова, вели премиерот, ќе помогне доплнително во зголемување на БДП на македонската економија.