Skip to content
За премиерот Христијан Мицкоски, намалувањето на цените на храната е процес и процедура. Тој рече дека ги разбира граѓаните и го разбира нивниот револт за бојкотот на маркетите, поради високите цени на производите, но смета дека решението треба да се бара со раговор и низ дијалог со сите засегнати страни. Поради тоа се наруши довербата помеѓу Владата и трговците, додаде Мицкоски Очекува во вторик реферирање од Државниот пазарен инспекторат и Министерството за економија и труд кога ќе излезат во јавност со некои параметри.
„Ако не се почитува тоа од страна на системот, а тој започнува од производители, дистрибутери и ланци, тогаш како Влада ќе треба да преземеме дефанзивни мерки за да го контролираме тоа, таму каде што е потребно. Оваа акција ќе се прошири не само на супермаркетите и хипермаркетите, туку предмет на анализа ќе бидат и други економски оператори како аптеки и производи за бела техника. Неможе некои производи во соседните земји да бидат два три пати поевтини одколку кај нас, а се работи за ист производ од ист производител и со иста царинска стапка, изјави Мицкоски.
И покрај тоа што граѓаните веќе втора недела бојкотираат против високите цени во маркетите, мерки се уште нема. Надлежните велат дека ги чекаат податоците од шестмесечните контроли на Државниот пазарен инспекторат со кои се опфатени дистрибутерите, добавувачите, производителите и трговците. Премиерот Хрстијан Мицкоски не кажа ништо конкретно околу тоа кои и какви мерки ќе се преземат само рече дека во игра се и интервентни мерки, како замрзнување на цените на основните прехранбени производи.
Премиерот рече дека можно е да се донесат мерки уште во вторник, а ова го најави и министерот за економија, Бесар Дурмиши кој не ја исклучи можноста од замрзнување на цените на основните производи.
Управата за јавни приходи (УЈП) објави дека вториот масовен бојкот на маркетите резултираше со пад на прометот за 22,12% во осумте големи синџири на маркети во Македонија. Во споредба со претходниот петок, кога се одржа првиот бојкот, кога прометот опадна за 46,59%, овој пат се забележа помал пад.
„При споредба на регистрираниот промет на крајот на месецот односно 31.01 и петок 07.02.20025 година треба да се имаат предвид различните фактори кои можат да влијаат на потрошувачките навики. Еден од тие фактори е тоа што голем дел од граѓаните примаат плата и пензии на почеток од месецот, што создава и промени во нивното потрошувачко однесување“, велат од УЈП.
На 6 февруари 2025 година, системот за регистрирање готовински промет забележал вкупен промет од 232.791.773 денари, додека на 7 февруари истиот систем евидентирал промет од 181.288.348 денари.
