Минималната плата недоволна за потрошувачката кошничка, за повисока допрва ќе се преговара

Сојузот на синдикати на Македонија (ССМ) објави дека вредноста на минималната потрошувачка кошница за јануари изнесува 63.252 денари. Или, дека за една година пораснала за 6000 денари, ако се спореди со јануари минатата година.

Минималната плата во Северна Македонија е 22.567 денари (367 евра). Ако двајца возрасни во семејството земаат минимална плата, тие можат да купат едвај половина од основните производи. Според статистиката, ќе им недостигаат уште 18.000 денари за да го да го „протуркаат“ месецот.

Конфедерацијата на синдикални организации се согласува минималната плата да биде 500 евра. Тие сметаат дека работниците заслужуваат да добијат повисоки плати но таквото прашање треба да се дискутира на Економско социјалниот Совет. 

Неодамна по ова прашање се изјасни и бизнис секторот каде кажаа дека за нив е прифатливо минималната плата да биде 500 евра, но придонесите да останат на ниво на моменталната минимална плата. Компаниите се подготвени на ваков чекор само ако за тоа се постигне заеднички консензус, бидејќи сметаат дека доколку се зголеми минималната плата ќе им се зголемат и давачките за придонесите. 

Од Сојузот на синдикати на Македонија велат дека  има пари за раст на платите, вклучително и на минималната плата за која тие првично бараа да порасне на 450 евра, но по предлогот од страна на Комората на Северозападна Македонија и тие сметаат дека 500 евра се пррифатливи како минимална плата. Законсокото зголемување на минималната плата треба да се случи во март кога таа ќе се зголеми од сегашните 22.567 денари на 24.400 денари.