Skip to content
Младите, но и подмладоците на политичките партии ќе бидат таргет на проектот кој американската амбасада во земјава го спроведува заедно со обвинители од земјава со цел намалување на нивото на корупција.
Проектот е наречен „Мој антикорупциски дневник“ а обуките ќе ги предводи обвинителката Ленче Ристовскa.
Обвинителката задолжена за врски со Европравда рече дека тие освен со знаења треба да се опремат и со вештини за справувањето со корупцијата, оти едно е да имаат страст да го променат општеството, но таа сама по себе не е доволна
Впечатокот ни е дека досега многу се зборува за корупцијата, меѓутоа резултатите изостануваат и затоа сметаме дека со адресирање на овој проблем токму кај младите и со јакнење на нивните капацитети за препознавање и градење отпорност ќе можеме како општество да имаме значителни резултати во борбата со корупцијата.
Ова го изјави обвинителката за врски со Европравда, Ленче Ристоска, пред почетокот на денешната работилница од проектот „Мојот антикорупциски дневник“ што се одржува во Јавното обвинителство на Република Северна Македонија.
Прашана што со актуелната генерација политичари и што ново би понудил овој проект во однос на сегашните проблеми, обвинителката вели дека токму поради тоа ќе работат и со подмладоците на политичките партии со верба дека знаењата и вештините кои ќе ги научат во рамките на проектот ќе ги имплементираат внатре во партиските структури.
