Од утрово важат дополнителните царини на Трамп: Ситуацијата ќе биде многу потешка од 9 април

Голем дел од производите што Соединетите Американски Држави (САД) ги увезуваат од остатокот од светот од утрово се цел на дополнителни царини од 10 отсто.

Ова зголемување, од кое се ослободени одредени производи, се додава на царинските давачки што постоеја претходно.

Од поскапувањето засега се изземени нафтата, гасот, бакарот, златото, среброто, платината, паладиумот, градежните материјали, полупроводниците и фармацевтските производи.

Од 9 април ситуацијата ќе биде значително потешка за земјите кои повеќе извезуваат во САД отколку што увезуваат американски производи.

Ова ќе важи за околу 80 земји и територии, вклучително и 27 земји од европскиот блок, соопшти вчера американската влада.