Skip to content
Синоќа секој Албанец и секој достоинствен граѓанин во оваа држава се почувствува навреден, понижен и предаден, пишува на својот фејсвук профил поранешниот министер за надворешни работи Бујар Османи.
Во чин што ја надминува секоја морална и политичка логика, во зградата што треба да го симболизира Охридскиот договор и меѓуетничката хармонија, беше примен Милорад Додик – продолжената рака на Владимир Путин, човекот кој работи за поделбата на Босна и Херцеговина и почестен е човекот кој го велича нехуманиот масакр во Сребреница.
Како е можно човек изолиран од демократскиот свет, кој сее поделби и омраза, да биде официјално пречекан од влада која тврди дека ги застапува евроатлантските вредности и меѓуетничкиот мир?
Каква порака испраќа оваа влада до албанските граѓани, до семејствата на жртвите од геноцидот, до оние кои сè уште веруваат во правда и достоинство?
Овој чин е сериозен удар за Охридскиот договор.
Присуството на Додик таму е шлаканица за жртвите од Сребреница, за Албанците и за секој граѓанин кој верува во слобода и еднаквост.
Тоа е порака која покажува дека оваа власт освен што нема легитимитет, изгуби и секакво чувство за почит кон нашата историја и жртви.
Ова е денот кога сите се чувствувавме навредени.
Денес сите се срамиме. И денес сите сфативме дека оваа влада ја помина секоја црвена линија.
Овој срам никогаш не треба да се заборави.
Ова е моментот кога мора да се потсетиме дека достоинството не може да се купи и историјата не може да се прости.
За оние кои веруваат дека можат да си играат со нашите чувства и вредности: грешите.
Ова ќе биде запаметено и нема да застанеме додека не го вратиме достоинството што денеска се урна пред нашите очи.
Денес секој Албанец и секој чесен граѓанин на оваа држава е згрозен од ова предавство на нашите вредности и дефиниции како општество.
