По бегството, се појави и првата фотографија на Башар ал Асад

На социјалните мрежи Facebook и X, со светлосна брзина се пренесе првата фотографија по падот на сирискиот претседател Башар ал Асад. Објавите тврдат дека фотографијата е снимена по слетувањето во Москва.

Сириските бунтовници го соборија режимот на Башар ал Асад, по 24 годинишно владеење. Според извештаите, Асад и неговото семејство добиле азил во главниот град на Русија, Москва.

Руската државна новинска агенција ТАСС објави дека соборениот сириски претседател Башар ал-Асад и неговото семејство пристигнале во Москва, каде Русија им понуди азил. Веста ја пренесе Анадолу.

„Асад и членовите на неговото семејство пристигнаа во Москва. Русија, врз база на хуманитарни причини, им даде азил“, цитира ТАСС извор од Кремљ.

Сириските бунтовници влегоа во Дамаск, што го означи крајот на речиси 25-годишното владеење на претседателот Башар ал Асад.