Повикот за бојкот на маркетите во петок, масовно прифатлив и за македонските граѓани

Поради високите цени во маркетите, на социјалните мрежи масовно се шири повикот за бојкот на големите ланци на маркети во петок на 31. јануари.

Повикот упатен на граѓаните е под мотото „Попусто попусти кога цените се исти“.

Во повикот за кој засега нема организатор стои:

„Стоп за високите цени на храната по маркетите,стоп за огромниот профит на поединци врз грбот на народот. Да се здружиме сите заедно бидејќи нема кој да не заштити“, оваа е главната порака на која ќе наидене на Фејсбук групата: „ БОЈКОТ!!! СТОП ЗА ВИСОКИТЕ ЦЕНИ НА ХРАНАТА!!!

Реакцијата на граѓаните на социјалните мрежи е позитивна. Дел од нив сметаат дека бојкотот треба да биде на подолг рок.

Иницијативата за бојкот на големите ланци на маркети, доби поддршка и од политичките партии.  Од СДСМ посочуваат дека граѓаните се спремаат за бојкот на маркетите затоа што Владата не ги заштити. Претседаателот на партијата, Венко Филипче, денеска на својот фб напиша дека најавениот бојкот е пораз на погрешните политики на Мицкоски.

„Најавениот бојкот е најголем пораз на погрешните политики на власта и кулминација на незадоволството на граѓаните. За жал, лицемериeто на Мицкоски и ДПМНЕ го достигна врвот. Откако лично тој и неговата партија дозволија цените во маркетите да пораснат до небо и не преземаа ништо, сега ќе давале поддршка на бојкотот на маркетите. Граѓаните не се наивни и добро знаат кој е одговорен за состојбата. Точно знаат кој ги водеше лажните ПР кампањи со кошничките со кои цените не само што не се намалија, туку и пораснаа. Во целата брзоплетост повторно да спечалат некој политички поен, Мицкоски и ВМРО-ДПМНЕ не сфаќаат дека во целост го признаа својот неуспех во управување со оваа состојба. Сега имаме невиден парадокс каде власта ќе протестира против сама себе. Ова е Монти Пајтон политика на Влада која изгубила контакт со реалноста после само осум месеци владеење. Мицкоски не го интересираат граѓаните и ова го докажува секој ден“ пишува Филипче.

Ипретседателот на ВМРО-ДПМНЕ и премиер, Христијан Мицкоски, го поддржа повикот за бојкот на маркетите.

„Јас имам лично разбирање за оваа акција на граѓаните и тука не треба да имаме никаква дилема. Од самиот почеток зборувам за однесувањето на поединци во овој бизнис и дека на шпекулативен начин се обидуваат да генерираат високи профити. Институциите, пазарниот инспекторат ја следат состојбата и навремено реагираат“,