Skip to content
Јужнокорејскиот претседател Јун Сук Јеол кажа дека ја повлекол воената состојба во земјата, која ја прогласи синоќа и најави дека наскоро ќе одржи состанок на кабинетот.
Претседателот на Јужна Кореја, Јун Сук Јеол прогласи воена состојба во вторникот вечерта, потег што ги запрепасти Јужнокорејците и предизвика краткотраен обид на војниците да влезат во парламентот, бидејќи пратениците и демонстрантите брзо изразија противење на најсериозниот предизвик за демократијата во земјата од 1980-тите.
Претседателот на парламентот го прогласи за неважечки огласот за воена состојба, а пратениците рано во средата гласаа за нејзино отфрлање.
Сепак и покрај тоа што Парламентот ја отфрли воената состојба, јужнокорејската армија соопшти дека тие сепак ќе ја почитуваат наредбата на претседателот и ќе продолжат да ја спроведуваат воената состојба додека не биде повлечена од претседателот Јеол.
Демонстрани се собраа пред Парламентот да го изразат незадоволството од воведувањето на воената состојба, кои ја дочекаа одлуката за нејзиното повлекување со прослава.
Сепак, тие се револтирани и истакнуваат дека 3 декември е најсрамниот ден во модерната историја на Јужна Кореја и бараат отповикување на претседателот Јеол.
