Се преврти автобус со украински деца на пат кон Охрид

Автобус што превезувал 77 членови на детски фолклорен ансамбл од Лавов се превртел во Унгарија додека патувал на фестивал во Охрид. Инцидентот се случил на 6 јули попладне, кога возачот, според првичните наоди, изгубил контрола и возилото завршило во канал.

Според соопштение на украинското Министерство за надворешни работи, на кое се повикува новинската агенција РБК-Украина, во несреќата се повредени 21 лице, од кои четворица тешко – двајца возрасни (родени 1954 и 1958) и две деца (родени 2007 и 2011).

Децата со полесни повреди се префрлени во градот Кунсентмартоn, каде што ансамблот привремено е сместен. Превозникот веќе организира замена автобуси за продолжување на патувањето. Украинскиот амбасадор и конзулите се на терен и ја следат ситуацијата, соопштува МНР Киев.

РБК-Украина потсетува дека ова е втор сериозен патнички инцидент со украински државјани во последниве недели; претходно имаше сообраќајка во Полска во која беа повредени повеќe десетици луѓе.