Рацин.мк неофицијално ги дозна имињата на новите амбасадори во Шведска, Тирана и Данска

Рацин.мк дознава дека на седница на Владата се донесени одлуки за распоредување на нови дипломатски претставници на нашата земја во неколку амбасади и конзулати.

Според информациите што стигнаа до Рацин.мк, за амбасадор во Стокхолм (Шведска) поминала одлуката за Ивица Боцевски, за амбасадор во Тирана (Албанија) Веле Трпевски и Фадил Зендели за амбасадор во Копенхаген (Данска).

За генерален конзул во конзулатот на Северна Македонија во Детроит, САД е назначен Зоран Дабиќ.

Напоменуваме дека оваа информација не е потврдена и официјална. За да ја провериме оваа информација, редакцијата на Рацин.мк испрати прашање до Министерството за надворешни работи и меѓународна трговија, од каде што очекуваме одговор.

Во меѓувреме пристигна и одговорот на нашето прашање од Министерството за надворешни работи и меѓународна трговија. Во него се вели:

Согласно вашето новинарски прашање, Ве информираме дека станува збор за класифициран податок, донесен на затворена седница на влада.