Skip to content
Британскиот премиер Кир Стармер рече дека скандирањата „смрт“ за Израелските одбранбени сили (ИДФ) на музичкиот фестивал во Гластонбери се „одвратен говор на омраза“ и ја повика Би-Би-Си да објасни зошто сцените биле емитувани во живо.
Раперот Боби Вилан, од панк дуото Боб Вилан, вчера ја предводеше толпата во скандирањата „Слободна, слободна Палестина“ и „Смрт, смрт за ИДФ“, пред ирското рап трио Никејп да ги повика обожавателите да „започнат бунт“ на претстојното судско рочиште на членот на неговиот бенд.
Осврнувајќи се на извиците на Боби Вилан на најголемиот британски музички фестивал, Стармер рече дека „нема оправдување за таков одвратен говор на омраза“.
-Реков дека на Никејп не треба да му се даде платформа, а тоа важи и за другите учесници кои се закануваат или поттикнуваат омраза. Би-Би-Си треба да објасни како овие сцени се емитувале, забележа тој.
Полицијата соопшти дека ќе ги разгледа видео доказите „за да утврди дали се случиле други прекршувања што би оправдале кривична истрага“.
