Skip to content
Романското Министерство за одбрана денеска соопшти дека противвоздушната одбрана на земјата не регистрирала влегување на руски проектил во нејзиниот воздушен простор, за време на големиот напад врз Украина ноќта меѓу 24 и 25 декември.
Како што јавија некои романски портали, портпаролот на романското Министерство за одбрана, Константин Спину, изјавил дека Украина ја информирала Романија за руска ракета која преку воздушниот простор на Молдавија околу две минути летала во воздушниот простор на Романија, но оти Романија тоа не го регистрирала.
Спину рече дека нема информации за руска ракета во воздушниот простор на Романија, во рамките на „податоците од мониторингот на романските системи за воздушно набљудување“ и податоците преку системот на НАТО кои го дополнуваат мониторингот.
