Русија го обвинува Зеленски за уништување на мировната дипломатија

Русија во четвртокот го обвини украинскиот претседател Володимир Зеленски за уништување на дипломатијата насочена кон постигнување мировен договор, откако тој оваа недела одби да се согласи да ја признае руската анексија на Крим.

Портпаролката на Министерството за надворешни работи, Марија Захарова, им рече на новинарите дека од минута во минута станува се појасно дека Зеленски нема капацитет да преговара за договор за ставање крај на војната.

Зеленски во вторникот рече дека признавањето на Крим како дел од Русија ќе го прекрши уставот на Украина. Украина вели дека е посветена да бара целосен и безусловен прекин на огнот.

По разговорите со САД, Украина се согласи на 30-дневно примирје минатиот месец, но рускиот претседател Владимир Путин одговори со листа на услови и прашања, велејќи дека таквата пауза ќе и даде на Украина шанса да мобилизира повеќе војници и да набави повеќе оружје.

Зеленски и американскиот претседател Доналд Трамп повторно се судрија во средата, при што Трамп го критикуваше украинскиот лидер што одби да го признае рускиот претензии за полуостровот Крим, кој го анектираше од Украина во 2014 година.

Трамп во последните денови рече дека ќе се повлече од обидите за преговори за решение во Украина, доколку Киев и Москва не постигнат договор наскоро.