Skip to content
Администрацијата на американскиот претседател Џозеф Бајден бара начини да стапи в контакт со сириските бунтовнички групи што го соборија сирискиот претседател Башар ал-Асад и им се обраќаат на партнерите во регионот, како Турција, за помош во започнувањето неформална дипломатија, рече портпаролот на Стејт департментот, Метју Милер.
Милер на прес-конференција рече дека Вашингтон има неколку начини да комуницира со различни групи во Сирија, од кои една Вашингтон ја прогласи за терористичка организација.
„Ние бевме ангажирани во тие разговори во изминатите неколку дена. Секретарот (Ентони Блинкен) беше лично вклучен во разговори со земји кои имаат влијание во Сирија, и ние ќе продолжиме да го правиме тоа“, рече Милер.
