Секретарот на Ватикан разговарал со Лавров за ситуацијата во Украина и размената на затвореници

Пол Ричард Галагер, секретарот на Ватикан за односи со држави и рускиот министер за надворешни работи Сергеј Лавров, телефонски разговарале за ситуацијата во Украина и подготвеноста на Ватикан да се вклучи во прашањето за размена на затвореници, соопшти денеска Ватикан.

Според соопштението на Канцеларијата за соработка со медиумите на Ватикан, дијалогот бил посветен на општата рамка на светската политика, со посебен фокус на воената ситуација во Украина и на некои иницијативи насочени кон запирање на воените дејствија.

Во текот на разговорот било дискутирано и за подготвеноста на Ватикан да продолжи со хуманитарната акција посветена на прашања поврзани со размената, се додава во соопштението.