Skip to content
Хрватската новинарка и претседателка на Синдикатот на новинари на Хрватска, Маја Север денеска е реизбрана за претседателка на Европската федерација на новинари (ЕФЈ).
На Изборното собрание на ЕФЈ во Будимшешта, Север е избрана со 138 гласови, а само десет делегати биле воздржани. Север беше единствена кандидатка за претседател на ЕФЈ. Пабло Алкуел од Франција беше избран за потпретседател на ЕФЈ.
ЕФЈ претставува 295.000 новинари преку 73 новинарски организации од 44 европски земји, меѓу кои и македонскиот Самостоен синдикат на новинари и медиумски работници (ССНМ).
На собранието присуствуваше и Доминик Прадали, претседателка на Меѓународната федерација на новинари (ИФЈ). Таа истакна дека во последните неколку години убиствата на новинари станаа чести – во повеќе од 90 проценти од случаите на убиства на новинари низ целиот свет, сторителите остануваат неказнети.
