Швајцарската претседателка: Воведувањето царини од страна на САД е повик за будење

Швајцарската претседателка Карин Келер-Сутер денеска предупреди дека воведувањето американски царини за Швајцарија од 31 отсто е „аларм“.

-Она што ни треба сега е да ги објасниме работите на преговарачката маса, изјави Келер-Сутер.

„Швајцарија има многу да понуди“, рече Келер-Сатер, додавајќи дека земјата е „важен економски партнер“ и дека швајцарските компании се меѓу водечките странски инвеститори во САД.

Таа посочи дека Швајцарија „ќе покаже додадена вредност, која не е само економска“.

Келер-Сутер рече дека во преговорите со Вашингтон нема намера да се „откаже“ од заштитата на земјоделството и отфрлањето на генетски модифицираните организми во Швајцарија, што е една од критиките на американскиот претседател Доналд Трамп.

-Сакаме детално да ја анализираме ситуацијата пред да разгледаме какви било мерки, додаде таа.

Келер-Сутер исто така рече дека, иако Швајцарија засега не планира никакви одмазднички мерки, „вратата не е затворена за ниту една опција во оваа фаза“.