Сиљановска-Давкова: Политичарите да се воздржат од притисоци врз Уставниот суд

„Во пресрет на утрешната одлука на Уставниот суд за Законот за употреба на јазиците, политичките лидери да не вршат притисок врз Уставниот суд и да се воздржат од коментари“, апелираше претседателката на државата Гордана Сиљановска Давкова. Таа побара од политичарите да дозволат Уставниот суд да одлучува самостојно, во согласност со Уставот и Деловникот за работа.

„Одлуките на Уставниот суд се дефинитивни и задолжителни за спроведување. Затоа, политичките лидери и партиите треба да се воздржат од коментари кои се субјективни, лични или партиски. Најмалку што можат да направат е да му дозволат на Уставниот суд да работи во согласност со Уставот и Деловникот“, изјави Сиљановска-Давкова.

Таа истакна дека одлуките на Уставниот суд се конечни и извршни и побара од политичарите да дозволат судот да работи според Уставот и Деловникот. Во меѓувреме, ДУИ предупреди дека укинувањето на одредбите од законот би претставувало удар врз стабилноста и мирот во државата.