Skip to content
„Премиерот Христијан Мицкоски веднаш по враќањето од официјалната посета на САД ќе ги прими на средба претставниците на Синдикатот на која ќе се дискутира за изнаоѓање на решение кое ќе биде од полза на работниците и исполнување на нивните права“, пренесува МИА.
„Добро е што лидерите на УПОЗ прифаќаат дијалог наместо рестриктивни и избрзани мерки како, протест без да бидат исцрпени можностите за дијалог и изнаоѓање на конечни решенија. стремежот на Владата е да се изнајде решение кое ќе биде во насока на подигнување на стандардот на работниците во согласност со буџетските можности“, велат од Владата.
Оттаму велат дека стремежот на Владата е да се изнајде решение кое ќе биде во насока на подигнување на стандардот на работниците во согласност со буџетските можности.
Синдикалците од пред Министерството за финансии го поканија премиерот Христијан Мицкоски одблиску да се запознае со барањата на работниците, а на министерката за финансии Гордана Димитриевска Кочовска и побараа да го одврзи ќесето и да им овозможи на работниците достоинствен живот за тие да вратат со продуктивност.
Иако вработените во дел од министерствата, Државниот завод за статистика и Државниот архив веќе четири дена одржуваат получасовен предупредувачки протест, тие не беа примени на средба во Владата за да пренеста дека бараат додатоци на плата од 30 проценти и потпишување на колективни договори,
Денеска синдикалците порачаа дека доколку не се исполнат нивните барања протестите ќе продолжат, Тие најавуваат дека нема да се откажат од своите барања.
„Не прифаќаме дискриминација и ќе продолжиме да се бориме за праведно зголемување на платите за сите“, рече денеска членот на синдикат од Министерство за правда, Зоран Ѓорѓиевски.
Вработени во дел од министерствата, Државниот завод за статистика и Државниот архив веќе четири дена одржуваат получасовен предупредувачки протест барајќи додатоци на плата од 30 проценти и потпишување на колективни договори.
Од протестот што се одржа пред Министерството за финансии, преставниците на Синдикатот на УПОЗ информираа дека доставиле барање за средба со Владата, а доколку не се постигне договор не се исклучуваат порадикални чекори.
Претседателот УПОЗ, Трпе Деаноски, од денешниот заеднички протест на вработените во администрацијата од 6 министерства и 2 државни институции, упати апел до Владата што поскоро да седнат на маса. Во спротивно не ја исклучи можноста за порадикални чекори како штрајк и тужба до државата.
„Вработените очекуваат разбирање и да се прифати оваа подадена рака од синдикатот на УПОЗ за изнаоѓање на решение на нашите барања, во спротивно ќе бидеме приморани повторно да ги активираме протестите, како и да ги искористиме сите со закон дадени можности за изразување на незадоволството на работниците до остварување на нашите барања. Прво ќе чекаме нели ќе дадеме шанса на продолжување на дијалогот како што изјавува Владата, ако не потоа ќе ги продолжиме протестите, се размислува за одење на штрајк и се размислува и за тужби до државата“, рече Деаноски.
