Во пораката до спикерот Гаши, пишува: „Уставни измени никогаш, ќе има бесење и колење…“

Кабинетот на претседателот на Собранието попладнево соопшти дека по објавувањето на вчерашното интервју во емисијата 360, во кое учествуваше спикерот Африм Гаши, на официјалната електронска адреса на Претседателот е добиен е-мејл со заканувачка содржина.

Во електронската порака до Гаши пишува:

„Уставни измени никогаш, никогаш, никогаш да има, ќе има бесење и колење и убивање на сè бугарско, фашистичко. Тие се фашисти и нивното место е на бесилка, да се лекуваат од болеста што ја имаат. Само пробајте, ќе ви влеземе во Собрание и ќе ве убиеме вас ш*****ски к*чиња кои сте за Бугарите, само смрт“, пишува во електронската порака испратена на службениот мејл на спикерот.

Од кабинетот на Гаши со следнава реакција:

„Претседателот на Собранието најостро ги осудува сите форми на закани и притисоци врз носителите на јавни функции и останува посветен на принципите на демократијата и владеењето на правото“, се наведува во соопштението од Кабинетот на Гаши. 

Од Кабинетот информираа дека во Секторот за компјутерски криминал при МВР има пријава за таков случај и по истата соодветно се постапува, без да се посочуваат детали за тоа со каква содржина е заканата. 

МВР претходно информираше дека во Секторот за компјутерски криминал при МВР има пријава за таков случај и по истата соодветно се постапува, без да се посочуваат детали за тоа со каква содржина е заканата.

Од Кабинетот информираа дека во Секторот за компјутерски криминал при МВР има пријава за таков случај и по истата соодветно се постапува, без да се посочуваат детали за тоа со каква содржина е заканата. 

Инаку, Гаши синоќа во интервјуто за „360 степени“ рече дека по изборот на нова влада во Бугарија може да се пристапи кон решавање на спорот, но оти не може веднаш да се очекува некој голем успех во разговорите.

„Гледајќи на овој проблем низ призма на заеднички интерес и на двете држави и на двата народа, македонскиот и бугарскиот, во смисла на регионална сигурност, мислам дека е од заеднички интерес да пристапиме кон решавање на овој спор. Односно, да се тргне бугарското вето за отворање на преговорите на нашата земја со ЕУ. Мислам дека Бугарија ништо не губи, напротив, јас сум убеден дека тие добиваат, но само треба да чекаме малку време да спласне тензијата, да се разговара на масата со аргументи. Да го сфатат и нашиот контекст. И мислам дека САД и Брисел, ако помогнат малку, убеден сум дека уште малку ни треба да се одврзе овој јазол“, рече Гаши