Skip to content
Александар Стојкоски и ВМРО ДПМНЕ во Ѓорче предвиделе 5,5 милиони евра од згради – 0 за градинка, училиште и гаража!, рече денеска советничката на СДСМ во Советот на Општина Ѓорче Петров, Маја Стојковска.
„Преку пет и пол милиони евра од издавање на градежни дозволи за згради, а ниту едно евро за ветените Градинка, училиште и катна гаража за жителите на Александрија! Почитувани, ова е визијата на Градоначалникот Стојковски и советниците од ВМРО-ДПМНЕ за Ѓорче Петров“, рече советничката на СДСМ.
Според неа иако Стојкоски и ВМРО-ДПМНЕ, тврдеа дека ќе има и градинка и училиште и катна гаража, сепак тие на шверцерски начин на вонредна седница изгласаа ДУП СО преку 4.000 станови, Bуџетот за 2025 и предлог ребалансот предвидуваат само висококатници.
„Затоа Советниците на СДСМ И Коалицијата на седницата за ребаланс на буџетот ќе предложат измени на програмите и обезбедување на средства за изградба на училиштето, градинката и катната гаража, кои се исклучително важни за жителите на Александрија и Ѓорче“, рече советничката на СДСМ.
