Skip to content
Нa новоизбраниот американски претседател Доналд Трамп не му се допаѓа што на денот на неговата инаугурација, 20 јануари, американските знамиња ќе бидат спуштени на половина копје, во чест на починатиот поранешен претседател, Џими Картер.
Претседателот Џо Бајден нареди знамињата да се спуштат на половина копје еден месец по смртта на Картер на 29 декември, како што е вообичаено кога ќе умре американски претседател.
Трамп, кој рече дека планира да присуствува на комеморацијата на Картер во Вашингтон на 9 јануари, на социјалната мрежа „Вистина“, сепак објави:
„Сите демократи се „воодушевени“ што нашето славно американско знаме ќе биде на половина копје за време на мојата инаугурација“, напиша Трамп.
Трамп истакна дека поради смртта на Картер минатата недела, американското знаме „за прв пат ќе биде спуштено на половина копје за време на инаугурацијата на иден претседател“.
„Никој не го сака тоа и ниту еден Американец не може да биде среќен поради тоа. Ќе видиме како ќе испадне“, рече тој.
Портпаролката на Белата куќа Карин Жан-Пјер рече дека Белата куќа нема намера да ја преиспита одлуката.
