Skip to content
Поради конфликтот меѓу САД и Европската унија за царините, привремено е прекинат влезот на Хрватска во ОЕЦД (Организација за економска соработка и развој), јавува Дневник Нова ТВ.
Гласањето е одложено, но хрватската влада уверува дека се ќе оди според планот.
ОЕЦД е важна организација на развиени земји која обединува 38 членки, вклучувајќи ги водечките светски економии како што се САД, Германија, Јапонија и Франција.
Приклучувањето кон оваа организација беше еден од надворешнополитичките приоритети на Хрватска во последните години, бидејќи членството во оваа организација носи репутациски и економски придобивки, од зајакнување на инвестициската привлечност до учество во креирањето на глобалните економски правила.
Сепак, постапката за прием на нови членки бара консензус од сите постоечки земји-членки.ж
Токму тука се појави проблемот сега, поради трговската војна што администрацијата на Трамп ја рестартира со Европската унија, САД одлучија да ги блокираат одлуките во меѓународните организации во кои ЕУ има силно влијание.
Ова ја направи Хрватска колатерална жртва на американско-европскиот спор.
Зад сето тоа стои нов бран царински конфликти меѓу Вашингтон и Брисел.
Трамп ја обвинува ЕУ дека ги оптоварува американските производи со прекумерни царини, а од друга страна ЕУ најавува контрамерки против американските стоки.
Со оглед на тоа што одлуките во ОЕЦД се носат едногласно, администрацијата на Трамп ја користи можноста за блокирање како инструмент за притисок.
Хрватска беше формално поканета на преговорите за членство во ОЕЦД во јануари 2022 година и досега го усогласи најголемиот дел од своето законодавство и стандарди со правилата на организацијата.
Влезот првично се очекуваше во 2025 година, но сега се поставува прашањето дали актуелните глобални политички конфликти ќе го забават тој план.
