Туристите го преплавуваат овој оствров, но повеќе не можат: Ограничен бројот на луѓе кои можат да дојдат до него

Малиот медитерански остров Комино, познат по своите тиркизни води и сината лагуна, со години е преплавен од туристи, а сега повторно се бори за мир.

Туристите беа привлечени од спектакуларните фотографии на социјалните мрежи, ова мало место го претворија во „пекол“. Сега островот Комино е решен да стави крај на приливот на туристи.

Комино, на само неколку километри од Малта, некогаш беше затскриено засолниште. Меѓутоа, во летните месеци, илјадници посетители доаѓаат во сината лагуна, трансформирајќи го идиличниот пејзаж во преполна, бучна дестинација.

Гужвите, прекумерниот отпад и загадувањето од моторните чамци ја загрозија природната убавина на ова место.

Борбата за заштита на островот Комино

Локалните организации и активисти со години укажуваат на проблемот со прекумерниот туризам. Во 2022 година, движењето Movimenti Graffiti ги отстрани лежалките и чадори за сонце од брегот во знак на протест против приватизацијата на јавниот простор.

Сега, властите на Малта преземаат конкретни чекори – оваа година беше воведено дневно ограничување на бројот на посетители, од 10.000 на 5.000.

Новите правила внесуваат надеж

Експертите сметаат дека ограничувањето на бројот на туристи е добар почеток, но дека е неопходен поширок план за зачувување на екосистемот на островот. Воведувањето систем за билети со ограничен број дневни посети може дополнително да помогне да се зачува Комино.

Намалувањето на масовниот туризам веќе е тренд низ Европа – Венеција воведува данок за дневните посетители, додека Атина го ограничува бројот на туристи на Акропол.

Дали новите правила ќе муи помогнат на Комино да го врати својот поранешен шарм? Времето ќе покаже. Овој остров некогаш бил рај, а сега му е дадена втора шанса.