Украина ќе добие 20 милијарди долари заем од САД кој ќе биде отплатен од заробените руски пари

Украина ќе добие заем од 20 милијарди долари од САД, како дел од програмата за вонредно зголемување на приходите за функционирање на Владата на Украина.
 

Овие пари ќе бидат распределени преку УСАД и се дел од заложбите на земјите од Г7 за обезбедување 50 милијарди долари за да се одговори на критичните и итни финансиски потреби на Украина.

 
„Средствата од овој заем денес ќе бидат префрлени во Фондот за финансиски посредници на Светската банка за зајакнување на финансиските ресурси на Украина, кој ќе служи како доверител и администратор за распределба на заемските придонеси од САД, Канада и Јапонија кон Украина“, објави УСАИД.

 
Заемот од 20 милијарди долари ќе обезбеди итна поддршка за Украина и ќе биде отплатен преку идните приходи од руските активи запленети од Европската Унија.

 
„Овие извонредни приходи ќе се користат за отплата на заемодавците на програмата ERA, како што се САД, со цел да се обезбеди помош за Украина, а притоа да се минимизира товарот врз даночните обврзници во САД. Овој заем ќе го искористи приходот од замрзнатите руски суверени средства за да ги покрие штетите предизвикани од Русија“

 
Администрацијата на Бајден има цел да ја стави Украина во најсилната можна позиција и ќе продолжи да презема значајни чекори за помош на земјата во нејзината борба против Русија.