Уставиот суд бара подготвителна седница за Законот за јазиците

Расплетот на денешната седница на Уставниот суд се одвиваше онака како што предвиде и премиерот Хрисстијан Мицкоски, Уставните судии кои останаа да работат, изгласаа е да се одржи подготвителна седница .

На денешната седница на Уставниот суд, на која се одлучува за уставноста на Законот за употреба на јазиците, не се присутни судиите Осман Кадриу и Насер Ајдари,

Поради нивно отсуство, судијата Фатмир Скендер, непосредно пред гласањето на дневниот ред, побара да се повлече од дневен ред точката со иницијативите за оценување на уставноста и законитоста на Законот за употреба на јазиците.

Другите судии не се согласија со овој предлог на судијата Скендер и гласаа тој да се одбие. судијата Скендер рече дека нема да присуствува на расправата за првата точка од дневниот ред,

И покрај тоа останатите судии продолжија со работа.

Известителот Елизабета Дуковска и 4 судии побараат подготвителна седница, на која би се слушнале и мислења на експерти, со што би се одложила одлуката и би се чуле аргументите на сите кои имаат став по ова прашање, што било честа пракса во работата на Уставниот суд.

И судијката Данева е согласна со предлогот за подготвителна седница, и смета дека треба да се чујат мислењата на повеќе уставни судии.

За Претседателот на Уставниот суд Дарко Костадиновски најважно е како ќе се протолкува амандманот 5, но го прифаќа предлогот и е на мислење дека со подготвителна седница на која би присуствувале и други експерти, би се создал простор да се обратат до граѓаните и на тој начин да се убедат со доволно аргументи дека тие се уставно втемелени.

„Дали за еден, два, три месеци плус или минус, овој суд ќе донесе одлука“, рече претседателот на Уставниот суд Дарко Костадиновски.

Судијката Кацарска била против и дека со одлагање, нема ништо да се добие. Според нејзиното мислење ниту експертите нема да можат да кажат што е уставно а што не е и дека тие се уставни судии кои најдобро ја познаваат уставната материја.

Спротивно на Кацарска судијката Јадранка Дабовиќ вели дека подготвителните седници се корисни, затоа што експертите најчесто даваа добри аргументи и затоа е добро е да се помине и тој филтер.