Search
Close this search box.
Search
Close this search box.

Венко Филипче во Хрватска: Искуствата од хрватската СДП ќе ги искористиме за подготовка на новата Програма

Во рамки на посетата на Загреб претседателот на СДСМ Венко Филипче имал средба со претседателот на Социјалдемократската партија на Хрватска, Синиша Хајдаш Дончиќ, потпретседателот Ранко Остојиќ и меѓународниот секретар Каролина Леаковиќ.

Било разговарано за размена на искуствата во делот на партиските активности и можностите за унапредување на соработката помеѓу СДСМ и СДП, како две сестрински партии кои споделуваат социјалдемократски вредности.

„Искуствата од хрватската СДП ќе ги искористиме за подготовка на новата Програма и креирање политики кои нудат конкретни решенија за економски развој, подобрување на животниот стандард и заштита на работничките права.

Нашите мерки и во новата партиска програма ќе бидат насочени кон реално подобрување на квалитетот на живот на граѓаните, нешто за што, Владата на ВМРО-ДПМНЕ, потфрли.

СДСМ како прогресивна и одговорна партија ќе продолжи да соработува и да ги користи успешните примери од сестринските социјалдемократски партии во регионот и Европа, со цел да понуди одржливи политики што ќе значат подобар живот за сите граѓани“.

Зачлени се на нашиот е-билтен