Skip to content
„Минстерстовото за образование и наука, ги остави студентите на цедило, срамно и понижувачки е да се укине бесплатниот јавен превоз“, велат младите од СДСМ. Ја повикува министерката Јаневска и ДПМНЕ, да обезбедат пари за билети за бесплатен јавен превоз на студентите. СДММ дава целосна и безрезервна поддршка на студентските здружувања кон нивните барања.
“Додека на билетарниците не се продолжуваат билетите за бесплатен превоз за 2025 година, министерката Јаневска молчи. На само недела и пол до новата 2025 година, од ресорното министерство за образование и наука, не знаат колку и дали ќе има пари за билети за бесплатен јавен превоз за студентите. Но, во обид да избегнат одговорност, ја префлраат вината кај градоначалничката на Град Скопје. Укинувањето на бесплатниот јавен превоз ќе биде директен удар врз стандардот на студентите“, вели потпретседателот на СДММ, Јовица Јанковиќ.
Младите социјалдемократите ја повикаа Владата на Мицскоски и минстерката за образование Весна Јаневска да не ги оставаат на цедило студентите бидејќи одлуката да на им се продолжат автобуските билети директно удира по студенстскиот стандард. Од СДММ нагласуваат дека нивното барање не е луксуз туку неопходна потреба и тоа во услвои кога сите трошоци за живот вртоглаво растат.
„Заслужуваме конкретен одговор и Ве повикуваме да го послушате гласот на студентите! Кога може да ги зголемувате непродуктивните трошоци за стоки и услуги во Буџетот за 2025 година, тогаш зошто сме ние младите помалку важни од купувањето нови автомобили, мебел, и други непотребни трошоци“, рече Јанковиќ.
СДММ, потсетува дека досега, во времето на претходната власт, предводена до СДСМ, имаше и бесплатен јавен превоз и студентски оброк, но и дополнително, ‘студентите беа офатени и во мерките од антикризните пакети, меѓу кои имаше и мерки за превоз. Ова е вистинска грижа’!
„Студентите не се само статистичка бројка! Ние младите сме движечката сила и иднината на ова општество. Заслужуваме да имаме пристојни услови за живот и функционален образовен систем согласно нашите потреби“, велат во СДММ.
Од таму потенцираат дека Социјалдемократската младина ќе продолжи да се бори за правата на студентите, за општество и образование какво што сите заслужуваат. ‘Доста е од празни ветувања, бараме конкретни решенија и поддршка за нас младите’!
