Владата на Мицкоски врти „тешки муабети“ додека да го разрешува Коцевски

Владата предводена од Христијан Мицкоски, денеска преку соопштение ја информира јавноста – што оценила за работењето на републичкиот јавен обвинител Љупчо Коцевски. Од таму, на јавниот обвинител му замеруваат ‘дека придонесот во работењето бил значителен и е резултат на низа пропусти и повреди во неговото постапување и извршување на функцијата’.

„Овие дејствија со кои се предизвикани тешки последици по функционирањето на јавното обвинителство со што е направено намерно и неоправдана крупна професионална грешка се правните аргументи со кои ќе побараме разрешување на јавниот обвинител пред истекот на мандатот. Тој покрај правна одговорност, подлежи или би требало да подлежи и на поширока општествена одговорност, особено пред органот кој што го избрал, а пред сѐ пред граѓаните чии интереси треба да ги штити“, се вели во владиното соопштение.

Во мислењето на Министерството за правда за работата на Љупчо Коцевски, државниот јавен обвинител, се вели дека нарушен бил угледот на институцијата со која раководи јавниот обвинител, затоа што чувањето на угледот на институцијата е должност која потекнува од Законот за јавно обвинителство, конкретно член 4 став 1.

„Целокупната јавност во изминатиов период беше сведок на низа скандали, нарушена функционалност на ЈО, незаконски постапувања и корупција, неефикасност и повреда на принципите и самостојноста во вршењето на функциите на обвинителите. Ваквите состојби се комплетно спротивни на обврските кои произлегуваат од законските надлежности“, се вели во предлогот на Министерството за правда.

Денеска со свое мислење во врска со притисокот од страна на премиерот Мицкоски за да си замине од функцијата, бидејќи ‘имал доволно можност да се покаже како безкомпромисен борец за правда, но дека таа доверба не ја оправдал.  Коцевски рече дека не планира да си поднесе оставка.

„Одлуката ја оставам на политичарите.Јавноста ќе цени дали ќе бидам разрешен на законит начин. Ако се утврди тешка дисциплинска повреда самиот ќе се повлечам. Јавноста ќе цени дали ќе бидам разрешен на законит начин“, порача Коцевски. 

Коцевски вели дека ќе се произнесе по предлогот за негово разрешување откако Владата ќе го достави до Советот на јавни обвинители.

Изјавите следат по седницата на Советот на јавни обвинители, кој најави дека на следната седница ќе одлучува по барањето на јавната обвинителка Наташа Крстевска Цалева да биде ослободена од функцијата шефица на Вишото јавно обвинителство Скопје, додека трае оддалечувањето од функција на нејзиниот претходник Мустафа Хајрулахи. Смената следеше откако Коцевски во декември минатата година, достави предлог за поведување дисциплинска постапка против Хајрулахи и уште еден јавен обвинител поради неправилности во работењето.

Коцевски потоа застана зад изборот на Цалева како наследник на Хајрулахи, што според Владата е еден од неколкуте потези коишто