Додека, поради разно – разни причини, Владата на Христијан Мицкоски, ги врати речиси сите амбасадори каде Македонија има ДКП, министерот за надворешни работи, Тимчо Муцунски денеска со изненадувачка вест. Тој информираше дека очекува веќе, само за десеттина дена да има кадровски решенија за некои од дипломатско-конзуларните претставништва на земјава во кои се испразнети амбасадорските места.
„Во тек се консултации, но поради доверливоста на процесот се уште не може да се спомнат конкретни имиња. Во тек е процес на консултации и очекувам за одредени ДКП-а и пред крајот на оваа година да имаме одредени кадровски решенија, но во делот на амбасадорските позиции тоа е процес што е строго регулиран и доверлив, затоа не би можел да изложам конкретни имиња. Ве уверувам дека во најскор можен период ќе бидат пополнети сите клучни амбасадорски позиции, а во 2025 година ќе чекориме понатаму, да ги пополниме сите наши ДКП-а со амбасадори или конзули, рече Муцунски.
Власта отповика нешто помалку од 30. амбасадори, и тоа од Брисел, Лондон, Шведска, Виена, Прага, Сараево, Софија, Подгорица, Албанија, Ватикан, Катар, ОН, НАТО.
