Во пресрет на локалните избори, ќе и се удри ли на власта од глава минималната кошничка 24/25 г

Во пресрет на годината на локалните избори, за кои се очекуваат да се одржат во октомври, 2025 година, власта прави се за да ги придобие граѓаните“, велат во опозициската партија. Потпретседателката на СДСМ, Кристина Костова, на својот фб профил напиша дека со новогодишната кошничка, владата на Мицкоски им направила услуга само на трговците, бидејќи граѓаните веќе почувствувале дека таа е лажна.

„Со минимална или новогодишна синдикална кошничка која чини 62.861 денари, ДПМНЕ, го урна достоинството на граѓаните, затоа што ги заштити интересите на богатите, напиша Костова во објава на социјалните мрежи.

Костова потенцираше дека додека Владата ја рекламраше новогодишната кошничка, трошоците за живот драстично пораснале.

„За само месец дена, цената на зејтинот рипна на 97 денари, или за 14 денари повеќе од претходно. За исто толку е покачена и цената на јајцата, кои сега чинат над 100 денари. Покачени се цените на јогуртот, кашкавалот, па дури и лебот“, напиша Костова.

Потпретседателката на СДСМ наведува дека ситуацијата е особено тешка за семејствата со минимални приходи, особено за четиричлено семејство во кое двајца возрасни земаат минимална плата, бидејќи ќе им недостасуваат над 17.700 денари, односно над 290 евра, за да можат да си ги покријат најосновните трошоци.

Во објавата на Костова пишува дека ‘додека народот се мачи да преживее, функционерите од владејачката партија го убедуваат. дека покачувањето на минималната плата било лоша работа и дека сето тоа го прават додека си гласаат за порамнување на нивните плати, за да не им ги изеде инфлацијата; или додека министерката за финансии вели дека ако не ѝ се покачела платата, немало повеќе да работи во Министерство.

И додека власта и опозицијата се надмудруваат дали новогодишната кошничка 2024/2025 год. е добра мерка, зад завесата, партиите наголемо се подготвуваат за локалните избори.

Лидерот на ВМРО-ДПМНЕ, по редовната седница на Извршниот комитет на партијата, објави дека се разговарало и за „локалните избори коишто следат“. И претседателот на СДСМ, Венко Филипче најави дека раководство на партијата е на терен на интензивни средби со општинските организации. Жестока битка се очекува и во албанскиот блок меѓу ДУИ и Вреди.