Skip to content
Полицијата во Словенија ја истражува кражбата на бронзената статуа на Меланија Трамп, поставена во Севница откако изгоре претходната дрвена верзија. Авторот на уметничкото дело, американскиот концептуален уметник Бред Дауни, тврди дека скулптурата била отсечена на глуждовите и украдена, додека истрагата се уште е во тек.
Полицијата во Словенија го истражува исчезнувањето на бронзената статуа на Меланија Трамп, која ја замени дрвената статуа уништена од пожар во 2020 година, пишува Гардијан.
Бронзената статуа во природна големина била поставена на трупецот во приватна нива во нејзиниот роден град Севница.
Според полицијата и авторот на статуата, американскиот концептуален уметник Бред Дауни, статуата била отсечена во пределот на глуждот и украдена.
Пријавата за кражбата е примена на 13 мај, а полициски службеници веднаш излегле на местото и започнале истрага“, изјави вчера портпаролката на полицијата Аленка Дреник Ранѓуш.
И уметникот е информиран
Дауни рече дека дознал за исчезнувањето на статуата додека работел на нов проект во Германија и изразил жалење за нејзината загуба. Тој додаде дека бронзената статуа била наменета за анти-споменик и антипропаганда и дека ја заменила дрвената скулптура која била претходно запалена, што, како што вели, тогаш не му било во ред.
Оригиналната дрвена скулптура ја прикажува Меланија во син фустан и потпетици, а ја создал локалниот уметник Алеш Жупевц со моторна пила.
Бронзената статуа беше поставена на крајот од првиот мандат на Доналд Трамп, додека тој водеше кампања за реизбор. Беше зајакната со бетонски и метални прачки на приватно земјиште. Истрагата за исчезнувањето на статуата е во тек.
Титулата прва дама на Меланија ги разбуди надежите во нејзиниот роден регион дека Доналд Трамп можеби ќе ја посети Словенија, што досега не се случило, но во Севница и беа посветени разни производи како торти, чоколади, мед и влечки.
