Skip to content
ВЛЕН ја обвини ДУИ дека со, како што велат, нечесните практики во текот на своите 20 години на власт, ги држела Албанците во заложништво со договори на дело за нивно искористување и манипулирање за гласови. Ова е јасен пример за злоупотребата на Албанците и притисокот за поддршка на интересите на оваа партија додека е на власт, создавајќи систем на зависност што му наштетил на нивниот развој и благосостојба.
Овие практики кои ДУИ ги инсталираше низ годините се сериозна рана која остави длабоко влијание врз албанското општество, се вели во соопштението на ВЛЕН. Од оваа коалиција велат дека е посветена на унапредување на законот за правична и соодветна застапеност. Овој закон е во завршна фаза на изработка и ќе донесе поправеден и порамноправен систем за сите граѓани без разлика, осигурувајќи дека секој поединец има можност да придонесе за општеството и да има можност да се развива професионално без страв дека ќе биде изманипулиран или уценет.
