Загрижувачки податоци за Tesla, но се чини дека не е се така мрачно

Покрај повеќето европски земји, голем пад на продажбата е забележан и во Австралија, но не е се така мрачно.

Веќе се знае за проблемите со продажбата на автомобили Tesla во првиот месец на европскиот пазар, а слична ситуација продолжи и во февруари, со исклучок на пазарите како пто е Обединетото Кралство. Посебно загрижувачки се бројките за компанијата на Маск во Германија, која беше еден од најважните пазари за Tesla, со 70 отсто помалку продадени возила од оваа марка во февруари во споредба со истиот месец лани.

Запалени возила на Тесла

Нов напад на „симболот на капитализмот“: Работите излегуваат од контрола, а штетата се мери во стотици илјади евра

Додека во февруари 2024 година бројот на испораки на Тесла во Германија надмина 6 илјади, минатиот месец таа бројка падна под 1500. Тесла бележи голем пад и на другите европски пазари како Франција, Норвешка, Данска и Шведска, додека, на пример, бројот на испораки во Португалија падна на под 600.

За целиот европски регион падот овој февруари изнесува повеќе од 40 проценти, а има неколку причини за ваквите лоши бројки. Една од нив е новата верзија на Model Y, која беше претставена на почетокот на годинава, но испораките се уште не се започнати, а проблем е и падот на побарувачката за Model 3, кој исто така неодамна беше освежен. Исто така, кинеските возила стануваат сè попопуларни во Европа, станувајќи се поконкурентни, не само по цена, туку и по квалитет.

Не е сè толку темно

Илон Маск и неговата поддршка за Трамп, како и германската десничарска партија AfD, одиграа одредена улога во падот на популарноста на Тесла, што предизвика бројни негативни реакции во таа земја. Она што го нагласуваат во EV Arena е дека бројот на регистрации на електрични автомобили во Германија се зголемува за дури 31 отсто, што значи дека расте побарувачката за е-возила, но интересот за Tesla опаѓа. Секако, тоа е само почеток на годината и треба да видиме како ќе изгледа ситуацијата по некое време, особено со доаѓањето на Model Y.

Состојбата за компанијата на Маск не е добра ниту во Австралија. Продажбата падна за повеќе од 70 отсто минатиот месец, додека продажбата на Model 3, второто најпродавано електрично возило во земјата, е намалена за дури 81 отсто.

Иако овие бројки секако не се охрабрувачки и годината не започна добро за Tesla, треба да се нагласи дека не е се така мрачно за компанијата на Маск. На пазарот во Велика Британија забележаа раст од над дваесет проценти во февруари, а првичните податоци покажуваат дека и во САД вториот месец го завршиле во минус со околу 14 проценти.