Skip to content
ДУИ најостро ги осудува последните случувања во Уставниот суд, каде моноетничките интервенции во мултиетничка држава создаваат опасен преседан.
Одлуката за продолжување на процесот на оценување на уставноста, и покрај бојкотот на судиите од албанската и турската заедница, е вознемирувачки показател за непочитувањето на еднаквоста и меѓуетничката хармонија.
Но, реакцијата на претседателот на Уставниот суд на прес-конференцијата го означува врвот на недозволивоста.
На новинарско прашање за отсуството на албанскиот јазик на таблата зад него, и покрај тоа што е во сила законот за употреба на јазиците, спикерот изјави дека „Знам дека законот е на сила, но јас не ми се допаѓа“. Ваквата изјава е скандалозна и целосно неприфатлива!
Не може да биде достоен да продолжи да ја врши функцијата човек кој отворено го искажува својот незадоволство од важечките закони и кој применува двојни аршини на толку важна функција како претседател на Уставниот суд. Неговото однесување ја поткопува не само довербата на граѓаните во институциите, туку и основните принципи на демократијата и меѓуетничката еднаквост.
новинарот Фуркан Салиу од „Портал икс“ му го постави на претседателот на Уставниот суд, Дарко Костадиновски, по завршување на вчерашната прес-конференција. На видеоснимката од нивниот разговор, објавена на фејсбук-профилот на порталот, Салиу го прашува Костадиновски зошто на таблата зад него, на која е испишано името на Судот, освен на македонски, не е напишано и на албански јазик, со оглед на тоа што Законот за употреба на јзиците е и натаму во сила.
На ова, Костадиновски рече:
„Знам на што алудирате. Кога ќе се направи лош закон…еве на пример по моето правно толкување, Уставниот суд не е опфатен во Законот. Одредбите од Законот се однесуваат на сите институции, а дали знаете дека уставната поставеност на Уставниот суд е надвор од системот на поделбата на државната власт – четврта глава.“
На забелешка од новинарот дека Законот предвидува негова употреба во сите институции каде што има избрани и именувани фукционери, како во случајот со Уставниот суд, чии членови ги избира Собранието, Костадиновски рече дека токму затоа законското решение не е во ред и оти мора точно да прецизира каде да се употребува.
Согласен е дека Законот треба да се почитува.
