Skip to content
Украина доби статус на земја кандидат за членство во ЕУ во јуни 2022 година.
Украинскиот претседател Володимир Зеленски изјави дека Украина си поставила за цел да ги отвори сите преговарачки кластери со Европската унија во 2025 година. Ова е амбициозен чекор во процесот на пристапување на земјата во блокот, објави „Киев индепендент“.
„За време на полското претседавање со ЕУ, очекуваме да отвориме најмалку два кластера и вкупно шест. Да бидам искрен, нашата цел е многу амбициозна – да ги отвориме сите кластери следната година“, рече Зеленски за време на Сеукраинскиот конгрес на локални и регионални власти.
Поранешниот комесар за проширување на ЕУ, Оливер Вархеи, посочи дека Украина би можела да се приклучи на блокот до 2029 година, под услов да ги спроведе сите потребни реформи.
Украина го претстави својот детален план за реформи на 20 март, во кој е наведена нејзината визија за закрепнување и модернизација како дел од нејзината кандидатура за членство во ЕУ.
Европската комисија неодамна го пофали напредокот на Украина во клучните области, вклучувајќи го владеењето на правото, судските реформи и антикорупциските мерки. Сепак, таа истакна дека се потребни дополнителни реформи за да се исполнат стандардите на ЕУ.
Украина доби статус на земја кандидат за членство во ЕУ во јуни 2022 година. ЕК препорача почеток на пристапните преговори со Украина во ноември 2023 година, а Европскиот совет ја одобри одлуката еден месец подоцна.
