Златото и пченицата во пораст, нафтата е најниска со месеци! Еве каква е точната состојба на берзата во Европа

Европските берзански индекси денеска се главно намалени, златото и пченицата поскапеа, додека нафтата од типот „брент“ се продава за околу 65 долари за барел.

Вниманието на инвеститорите е насочено кон самитот на Велика Британија и Европската унија во Лондон, а подоцна во текот на денот, американскиот и рускиот претседател Доналд Трамп и Владимир Путин ќе имаат телефонски разговор за ситуацијата во Украина.

Продажбата на мало во Кина се зголеми за 5,1 отсто на годишно ниво во април, што е помалку од 5,5 отсто што се очекуваше во анкетата на Ројтерс, што сигнализира дека трошоците во оваа азиска земја сè уште не се на посакуваното ниво, пренесува CNN.

Денеска во 9 часот и 15 минути, индексот DAX на Франкфуртската берза падна за 0,15 отсто, на 23.709,50 поени, лондонски FTSE 100 за 0,49 отсто, на 8.643,75 поени, францускиот CAC 40 за 0,42 отсто, на 7.8MOEX25 поени, додека Москва се зголеми за 7.8MOEX253 отсто. 2.884,03 поени.

Вредноста на американскиот берзански индекс Dow Jones порасна за 0,78 отсто, на 42.654,74 поени, индексот S&P 500 за 0,7 отсто, на 5.958,38 поени, а вредноста на индексот Nasdaq за 0,52 отсто, на 19.211,10 поени.

Европските фјучерси на гас за јуни се продаваа на отворањето на берзата ТТФ по цена од 35,3 евра за мегават-час.

Според досегашните податоци на берзата, цената на суровата нафта падна на 62.066 долари, а на нафтата од типот брент на 64.963 долари.

Цената на златото порасна на 3.229,42 долари за унца, а на пченицата на 5,3105 долари за бушел (бушел е еднаков на 27,216 кг).

Вредноста на еврото во однос на доларот на берзата Forex изнесува 1,12282, што е за 0,55 отсто повисока отколку на почетокот на тргувањето.