Борис Тадиќ: Насилството во Нови Сад го открива бруталното лице на режимот на Вучиќ

Лидерот на Социјалдемократската партија и поранешен претседател на Србија, Борис Тадиќ, изјави дека насилството за време на протестот во Нови Сад го открива „бруталнoто лице“ на власта.

Во објава на социјалната мрежа „Х“, Тадиќ напиша дека „насилството врз граѓаните, студентите и новинарите уште еднаш сведочи за бруталната природа на владата на Вучиќ и нејзината подготвеност да се справи со своите противници со сите потребни средства“.

Тој додаде дека „сите сторители порано или подоцна ќе бидат одговорни за сето ова насилство и треба да знаат дека никој нема да остане неказнет за своите постапки во ова време на зло“.

Најмалку три лица беа повредени за време на протест откако беа нападнати од поддржувачи на владејачката Српска напредна партија.