Брнабиќ: Вучиќ многу работи, спие само два-три часа, му симнувам капа

„Претседателот Александар Вучиќ не спие. Спие само два или три часа на ден. Остатокот од времето работи“, изјави претседателката на српскиот парламент, Ана Брнабиќ.

„Можат да се потсмеваат на ова, но вистина е, тој работи цело време. Размислува, планира и кога нешто не функционира, вели – почекајте, не беше доволно добро, ајде да видиме како можеше да биде подобро. Секако дека не можете да го победите, единственото нешто што им преостанува е да го убијат. Ова е ужасно“, додаде таа.

Според неа, „беше тешка година, во која најголемиот успех беше што „мирот беше зачуван“ и што немаше граѓански конфликти, „иако ова беше главната цел (на демонстрантите – забележува БГНЕС).“ Сето ова се случи „благодарение на неверојатната политичка мудрост на српскиот претседател Александар Вучиќ“.

„Тој секогаш повикуваше не само на сите граѓани, туку и на сите нас во институциите да бидеме трпеливи, толерантни, да имаме трпение во секое време.“ „Доколку државата реагираше и не дозволуваше неовластени собири, не дозволуваше улични блокади, ќе го искористеа ова за граѓански конфликти и започнување граѓанска војна“, изјави Брнабиќ за провладината телевизија Пинк. „Му симнувам капа и му честитам на Вучиќ, успеа да го одржи мирот“, изјави претседателката на српскиот парламент, Ана Брнабиќ.